Ақжолдықтар Түркістан облыстық филиалының төрағасын сайлады. Кезектен тыс өткен конференцияға «Ақ жол» ҚДП төрағасы А.Перуашев, Мəжіліс депутаты Б.Дүйсенбинов, партия төрағасының орынбасары Қазбек Иса, Орталық Кеңестің хатшысы Ә. Сұлтанов, Партияның Орталық аппаратының ревизиялық қадағалау комиссиясының төрағасы Б.Өтепбаев арнайы ат басын бұрды. Сонымен қатар, «Ақ жол» ҚДП Шымкент қалалық филиалының төрағасы А.Абжанов, Ақтөбе облыстық филиалының төрағасы А.Садықов мен Қызылорда облысының төрағасы Прманов Жорабек те төбе көрсетті.
Шара барысында күн тәртібінде тұрған екі мәселе қаралды. Оның алғашқысы 2018 жылдың 13 желтоқсанында Астана қаласында өткен партияның ХlVсъезінің Түркістан облыстық партия филиалын құру туралы шешімін орындау болатын. Сондай-ақ, Түркістан облыстық филиалының төрағасын және кеңес мүшелерін сайлау. Жиын соңында Азат Перуашев түркістандық тұрғындардың мұң-мұқтажын тыңдады. Түркістан облысы «Ақ жол» партиясы филиалы төрағасының өмірбаяны: АБИШЕВ ҚАНЫБЕК АЛМАХАНҰЛЫ Туған жылы және жері: 21 желтоқсан 1972 жыл, Оңтүстік Қазақстан облысы, Шардара ауданы, Октябрдін 50 жылдығы совхозында дүниеге келген. Білімі:1990 жылы – Шардара ауданы, Юбелейный орта мектебі түлегі, Жұмыс тәжірибесі:1990-1991 жылдары Шымкент қаласы қорғасын зауытында ағаш ұстасы мамандығы бойынша жұмыс атқарған. Отбасылық жағдайы: Үйленген, 1- ұл, 3- қыз өсіруде.
|